Nan koze fè timoun sitou lò moun nan pa pare li ta bon pou planifye pou pa di si m te konnen. La fanmi gen plizyè fason yo fè sa! Genyen ki pito metòd natirèl, e youn nan kesyon nou ka poze se kijan metòd ak grenn maskriti a fèt?

La syans ba li non « ricinus communis ».

Fransè yo rele l’ « ricin » nou menm maskriti gen anpil remèd nou ka jwenn de li.

Kretyen vivan temwaye ke ak dlo sèlman lè ou vale grenn maskriti, kantite ou vale a se pou tan sa ou pap fè pitit. Pa egzanp: “Ou vale youn w ap fè on lane steril elatriye...’’

Poutan daprè rezilta rechèch, grenn maskriti gen yon sibstans toksik ke yo rele risenn ki pa bon ni pou moun ni pou bèt. Se sa ki fè lè on timoun rive kraze oubyen vale 7 ou plis li ka touye li, e granmoun nan 15 grenn sifi pou touye li. Bèt la menm, kòm lè yo griye grenn nan oubyen yo prepare li pou lizaj endistriyèl risenn nan rete nan ma, si pa malè bèt la manje ma se tap panik total.

Valè maskriti pou pa fè pitit sou lane se on jès ke anpil fanmi eseye e temwanye. Menm medsen tradisyonèl rive preskri kominote yo metòd sila a men li ta bon tou pou gen anpil pridans nan lizaj produi sa.